Aymara (aimara). Compendio de estructura fonológica y gramatical

Aymar arx janir ispañulanak purinkatayn uka pachanakax mayj parlapxirïtapa.
Achachilanakasan achachilanakapan achachilanakapax aymar arun taqi kuns
amuyt'apxirïtapa; kuna yapuchañxatsa, uywa uywañxatsa; markanak
irptañatakisa, jaqis jaqirjam uñjatäñpatakisa; qalat markanak sayt'ayañatakisa
aymarat amuyt'apxirïtapa. Amawt'anakasa, amuyirinakasa, yatirinakas
aymaratkamak lup'ipxirïtapa; aymarat aruskipasipxirïtapa.
Nayrapachanakax uraqisan mayj yaqha arunakax aymar arunx
utjapiniritaynawa; ispañulanak purinkatayn ukjat aksaruw juk'amp yaqha
arunakax aymaranx utjxatayna, ukhamarak aymar arunakas kastillanunx
utjxatayna.